SBI चा ग्राहकांना इशारा; QR कोड स्कॅन करू नका, नाहीतर | SBI Alert
गेल्या काही वर्षांत फसवणुकीच्या सर्वाधिक घटना मोबाईलच्या क्यूआर कोडमुळे (QR) झाल्या आहेत. क्यूआर कोड फसवणुकीचे वाढते प्रमाण लक्षात घेता देशातील सर्वात मोठी सार्वजनिक बँक स्टेट बँक ऑफ इंडियाने ४४ कोटींहून अधिक ग्राहकांना सावधानतेचा इशारा दिला आहे. बँकेने म्हटले आहे की, जर तुम्हाला कोणत्याही व्यक्तीकडून क्यूआर कोड मिळाला, तर तो चुकूनही स्कॅन करू नका. असे केल्याने तुमच्या खात्यातून पैसे गायब होऊ शकतात.
क्यूआर कोडद्वारे कशी होते फसवणूक?
एसबीआयने सांगितले की, क्यूआर कोड नेहमी पेमेंट करण्यासाठी वापरला जातो, पेमेंट मिळविण्यासाठी नाही. पेमेंट प्राप्त करण्याच्या नावाखाली कधीही क्यूआर कोड स्कॅन करू नका. यामुळे तुमचे खाते रिकामे होऊ शकते. तुम्ही क्यूआर कोड स्कॅन केल्यानंतर तुम्हाला पैसे मिळत नाहीत. बँक खात्यातून पैसे काढल्याचा मेसेज येतो.
क्यूआर कोड म्हणजे काय?
क्यूआर कोडमध्ये काही एनक्रिप्टेड माहिती असते. कुणाचा मोबाईल क्रमांक असू शकतो, एखाद्या वेबसाइटची लिंक असू शकते, अॅपची डाउनलोड लिंक असू शकते. ही माहिती डिक्रिप्ट करण्यासाठी, ती स्कॅन करावी लागेल. तुम्ही स्कॅन करताच, तो कोड तुमच्यासमोर साध्या मजकुराच्या स्वरूपात उघडतो.
या सूचनांचे पालन करा
१. यूपीआय पिन फक्त मनी ट्रान्सफरसाठी आवश्यक आहे, पैसे मिळविण्यासाठी नाही.
२. पैसे पाठवण्यापूर्वी नेहमी मोबाईल नंबर, नाव आणि यूपीआय आयडी सत्यापित (व्हेरिफाय) करा.
३. यूपीआय पिन कधीही कोणाशीही शेअर करू नका.
४. निधी हस्तांतरणासाठी स्कॅनरचा योग्य वापर करावा.
५. अधिकृत स्रोतांव्यतिरिक्त इतरांकडून उपाय शोधू नका.
६. कोणत्याही पेमेंट किंवा तांत्रिक समस्यांसाठी अॅपच्या मदत विभागाचा वापर करा आणि कोणत्याही विसंगतीच्या बाबतीत बँकेच्या तक्रार निवारण पोर्टल https://crcf.sbi.co.in/ccf/ द्वारे निराकरण करा.
हे नक्कीच वाचा
https://omyablog.blogspot.com/2022/02/1-vjnt-loan.html